नेपाली हास्यव्यङ्ग्य अनलाइन पत्रिका

राम- हनुमान !
श्याम-हनुमान !
जुन र जसको हनुमान भए पनि !
हनुमानको काम !
नुनको सोझो गर्नु हो !
मालिकको जय गाउनु हो !

भक्तिमार्गका
हनुमानहरू !
विवेक मन पराउदैनन् !
सत्य मन पराउदैन् !
मात्र !
मालिकको इसरा बुझ्छन् !
मालिकको आदेश बुझ्छन् !

विवेक बन्दगी राखेर
विवेक शून्य भएका हनुमानहरू !
पौरख मन पराउदैन् !
इमानको कुरा गर्दैनन् !
सृजनाको कुरा गर्दैनन् !
बरु, हनुमानहरू !
मालिकको आदेश मानेर !
देशमा आगो झोस्छन् !
देशको भकारी फोर्छन् !

हात्ती छाप !
चप्पलको हात्ती जस्तै !
नीजत्व गुमाएका !
हनुमान छाप दासहरू !
विवेक बुझ्दैनन,
आदेश बुझ्छन् !
सृजना बुझ्दैन्, विध्वंस बुझ्छन् !
कर्म बुझ्दैनन्,
लुट बुझ्छन् !
जसको नुन खायो !
उसैको गीत गाउँछन् !

भविष्य बेचेका दासहरू !
स्वरुप र रंगमा फरक देखिए पनि !
आखिर,
हात्ती छाप चप्पल जस्तै हुन् !
मालिकको गोडा दैलोभित्र छिरेपछि !
ढोका बाहिरै फ्याँकिन्छन् !

०००
गोरखा