साइबर अपराध सम्बन्धी सचेतना सामग्री

बा

बाबाका कृत ख्याल गर्दछ हियो उड्दैन हावासँग । एक्लै बग्दछ कष्ट अश्रु जल त्यो देख्दैन सिङ्गो जग ।। थाल्यौँ उठ्न स्वयम् विचार बलमा बाबा बनाई मियो । उम्दा छन् जति मार्ग जीवनविषे बल्दै छ बाबा दियो ।।

Nepal Telecom ad

बाबा हुन् गरिमा विशाल दिलका सत्कर्म आभा दिने ।
बाबा हुन् भव ज्ञान दिव्य हितको खोली सुबाटो दिने ।।
चिन्ता, ताप, तनाव भाग्दछ सबै बाबा सधैँ साथ हुन् ।
बाबा दूर गए अझै पर भए सन्तापका खात छन् ।।०१।।

बाबाले दृढ भाव सिर्जन दिए सद्ज्ञान अग्ला पथ ।
आफ्नो जीवन मार्गमा सहज नै गुड्दै छ उम्दा रथ ।।
बाबा ब्रह्म उदात्त पार्न गुणका खोल्छन् कला यत्नले ।
बाँकी पूणर् बनाउने प्रण गरे बाँचिन्छ निस्वार्थले ।।०२।।

मान्छेका मनभावना सहजले चिन्ने सुबाटो दिने ।
अज्ञानीपन चेतका असजिला पन्साउँदै लम्किने ।।
बाँच्ने योग्य कला सुमानव हुने सत्कर्म सङ्ला दिए ।
बाबाकै बलले अनेक द्विविधा बाधाहरू नासिए ।।०३।।

ढुङ्गा गल्दछ ठोक्न लाग घनले गल्दैन बाबामन ।
पग्लन्छन् सब धातु अग्नि बलले पग्लन्न बाबामन ।।
बग्छन् वस्तु अनेक छाल बलले बग्दैन बाबामन ।
बेलामाफिक कर्म गर्न युगको तल्लीन बाबामन ।।०४।।

भोलेनाथ पुकार गर्छ मन यो पीडा सबै शान्त हुन् ।
काला छन् दिन हाल बिग्रन गयो हाँसो,खुसी दूर छन् ।।
चिन्ता,ताप,तनाव टोक्छ दिल यो सन्त्रासका राश छन् ।
भाग्यो शान्त उदात्त भाव पर भो चिन्ता कडा साथ छन् ।।०५।।

बाबाका कृत ख्याल गर्दछ हियो उड्दैन हावासँग ।
एक्लै बग्दछ कष्ट अश्रु जल त्यो देख्दैन सिङ्गो जग ।।
थाल्यौँ उठ्न स्वयम् विचार बलमा बाबा बनाई मियो ।
उम्दा छन् जति मार्ग जीवनविषे बल्दै छ बाबा दियो ।।०६।।

आफ्नो इज्जत धान्न उठ्न भवमा अर्ती सुधाझैँ दिने ।
आशङ्का मनका थुतेर जति छन् हेक्का उमारी दिने ।।
जे छन् साथ विचार आज भवको मान्छे भएँ लाग्दछ ।
थोत्रा कल्मष भाव जीर्ण दिलका फ्याकूँ सबै ताक्दछ ।।०७।।

डट्ने मार्ग कता विनम्र दिलले पस्रेर झुक्ने कता ?
मान्छेको मन भावना सब चिनी सङ्लेर जुट्ने कता ?
हेरी दूर विचार योग्य पथ के ? सत्कर्म टिप्ने गर ।
आफू झुक्नु कता भनी समयका बाँड्थे सुशिक्षा दर ।।०८।।

बाबा हिम्मत हुन् समस्त भवका चढ्ने उकालो मन ।
बाबा ज्ञान समान छैन भवमा राखून् हियामा जन ।।
आफू उठ्न सकिन्छ पारख बनी सत्कर्ममा लम्किए ।
बाबा ज्ञान लिने सबै जनहरू सद्भ्रान्तिमा चम्किए ।।०९।।

ऊर्जा हुन् भव कर्मका डगरको आलस्य पन्साउँछन् ।
अग्लो जाँगर भर्दछन् सहजता सत्कर्म जन्माउँछन् ।।
उम्दा शक्ति जगाउने मनुजका बाबा हियो प्रेरक ।
फ्याँक्छन् ढुल्मुल चेतका सब चुनी हुन् विज्ञका शिक्षक ।।१०।।

०००

Subscribe
Notify of
guest

0 Comments
Oldest
Newest Most Voted
Nepal Telecom ad
लेखबहादुर

लेखबहादुर

नन्दलाल आचार्य
अब आसिकले परिपूर्ण भयौँ 

अब आसिकले परिपूर्ण भयौँ 

रामशरण न्याैपाने
चम्चाको चमत्कार

चम्चाको चमत्कार

डा. बमबहादुर जिताली
बुढाबुढी समस्तको

बुढाबुढी समस्तको

कविराज घिमिरे
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
0
Would love your thoughts, please comment.x
()
x