नेपाली हास्यव्यङ्ग्य अनलाइन पत्रिका

बिनुबाबा घिमिरे :

मेरो वैकल्पिक नमस्कार छ
आफैलाइ थाहा छैन यो कस्लाइ हो ?
न दाजुलाई हो, न भाइलाई हो,
न दिदीलाइ हो, न बहिनीलाई
मैले नमस्कार त गरेकै हुँ, खै तर कसलाई ?

सधैं साथ दिने श्रीमानज्यूलाई हो कि ?
गन्तव्यमा पुर्‍याउने विमानलाइ हो कि ?
आफैलाई फुर्काउने अभिमानलाई हो ?
मेरो नमस्कार त यौटै छ
तर सारालाई पुर्‍याउनु पर्छ
बालाइ गरूँ, आमालाई
गालीले चित्त दुखाइ दिनुहुन्छ
नेताज्यूलाइ हो भनूँ,
सारा जनतालाई नै चित्त दुखाउनुहुन्छ
हाकिमलाइ हो भनूँ
बेलुका भट्टीमा पसेर बौलाइदिनुहुन्छ
त्यसैले खै कसलाइ गरूँ यो नमस्कार ?

बरू यो नमस्कारमा कसैको हकदाबी लाग्छ कि,
याैटा स्वच्छ छवि हुनुहुन्छ भने
उठाइदिनुस् दुबै हातहरू
म समर्थन गर्न तयार छु
र भन्नेछु, धन्य मेरो
वैकल्पिक नमस्कार ।

०००
काठमाडौं