लक्ष्मण नेवटियाआँपको नागरिकता आवेदन
हामी जुन जात वर्णका भए पनि नेपाल हाम्रो प्राण ! नेपाली हाम्रो पहिचान हुनु हुँदैन हरण । अब गरिदिनु पर्यो नेपाली ‘लहानिया’ आँप भनी, हाम्रो नागरिकता प्रमाणीकरण ।
लक्ष्मण नेवटिया :
म देशी मीठो आँपको
जिल्ला सिरहा, लहान जन्मस्थान ।
तर विदेशी ‘मालदहिया’-
‘बम्बैया’भनी बेचिन्दा
घाइते हुन्छ स्वदेशाभिमान ।
कलमको चलाखीले जीवन
सधैं ठगी गयो ।
विभेदको पीडाले यता आँसु,
उता कोशी बगी रह्यो ।
हामी जुन जात वर्णका भए पनि
नेपाल हाम्रो प्राण !
नेपाली हाम्रो पहिचान
हुनु हुँदैन हरण ।
अब गरिदिनु पर्यो
नेपाली ‘लहानिया’ आँप भनी,
हाम्रो नागरिकता प्रमाणीकरण ।
आँपको अचार- २
जब जब म गर्न खोज्छु
मैत्रीभावको संचार
सबैसँग प्रेमिल व्यवहार
आँप झैं गुलियो शिष्ट आचार
संसारले बनाइ छाड्छ
मेरो अचार !!
मौका पाए काँचो नै खाने हतार ।
०००
विराटनगर
Subscribe
Login
0 Comments
Oldest
