बिनुबाबा घिमिरेमलाई भाइरल बनाइदिनुस् न
धनी बाउकी एक्ली छोरी हुन सकिनछु कमजोरीले युद्ध पनि गर्न सकिनछु आवश्यकता टार्न पर्यो काम दिलाइदिनुस् जरूरी छ साथी मलाई भाइरल बनाइदिनुस् ।
बिनुबाबा घिमिरे :
खेतीलाई मनसुन चाहिएको छ
कामलाई भनसुन चाहिएको छ
त्यहि काम बनाउन त होला
आफ्नै धर्म छाडी बाइबल गाइएको छ
मेरो पनि जरूरी कुरा
कतै पुर्याइदिनुस् न
काम फत्ते पार्नु पर्यो
मलाई भाइरल बनाइदिनुस् न
घरै चल्न गाह्रो भयो, महंगीले सेक्यो
जाईफल त खानैपर्यो, खोकीले नै खोज्यो
लौ त साथी मलाई ठुला मान्छे भेटाइ दिनुस्
काम बनाउनै पर्यो भाइरल बनाइदिनुस्
धनी बाउकी एक्ली छोरी हुन सकिनछु
कमजोरीले युद्ध पनि गर्न सकिनछु
आवश्यकता टार्न पर्यो काम दिलाइदिनुस्
जरूरी छ साथी मलाई भाइरल बनाइदिनुस्
झुपडी त गरिबको महल हो घुस्याहा
धनीले त पित्तल लाए सुनै ठान्ने मजा
बिदेशिने मन छैन देशमा काम छैन
राशन चाहियो त शासनै ठिक छैन
काम ठुलो बन्नु पर्यो भन्सुन लगाई दिनुस्
अत्याचारै जरूरी छ भाइरल बनाईदिनुस् ।
०००
कलङ्की, काठमाडौं
Subscribe
Login
0 Comments
Oldest
