होम सुवेदीसंविधान खाऊँ है अघाउँजी…
यसै याममा त्याे बनायौँ विधान, जहाँ छन् मिठा स्वादिला प्रावधान, यसैकाे गर्यौँ धूप बाती र गान, सबैलाई पार्ने भयौँ एक घान । सबै पेट रित्ता कतै छैन खान, र लर्को युवाको छ पर्देश जान, जहाँ छन् अनेकौँ मिठा प्रावधान, अघाइन्छ खाएर के संविधान ?
हाेम सुवेदी :
यता अश्रुको धारले भिज्छ जुम्ला
उता भेल पैरोसँगै रुन्छ हुम्ला
जिताए पठाए जहाँबाट नेता
उसैले प्रजातन्त्रको पार्छ कुम्ला ।।
महाव्याधि चल्दैछ झन् खाप खाप
छ धर्ती र यो जिन्दगी नै धराप
यसै आपदामा कुनै हान्छ दाउ
हियाको दुखेको दुखेकै छ घाउ ।।
यसै याममा त्याे बनायौँ विधान
जहाँ छन् मिठा स्वादिला प्रावधान
यसैकाे गर्यौँ धूप बाती र गान
सबैलाई पार्ने भयौँ एक घान ।।
सबै पेट रित्ता कतै छैन खान
र लर्को युवाको छ पर्देश जान
जहाँ छन् अनेकौँ मिठा प्रावधान
अघाइन्छ खाएर के संविधान ?
०००
भद्रपुर, झापा
Subscribe
Login
0 Comments
Oldest
