नेपाली हास्यव्यङ्ग्य अनलाइन पत्रिका

उषा गुरुङ :

यमलोकको यम बैङ्कमा संसारको धनाढ्य को
सबै भन्दा धनाढ्य परेका छन् नेपालका मान्छे पो
जति जना यमलोक पुगे दश दश लाख जम्मा गरे
यमराज त नेपाली धनाढ्य देखेर दङ्गदास पो परे ।

यमराजले प्रश्न गरे गरिब देशले यत्रो धन कहाँ पायौ
नेपालीको जवाफ देश गरिब भए नि मान्छे धनी पर्‍यौ
जिउँदोलाई खान बस्न दुःख भए नि मरेपछि यो पायौ
यहा आई दशलाखको चेक सिधै बैङ्कमा दाखिल गर्‍यौ ।

जिउँदो हुँदा ऋणमा डुबे मरेपछि दशलाख पाए राम्रै गरे
हाम्रो सरकार बुद्धिमान जिउँदो बन्दुक खाए दशै लाख दिए
यस्तो ज्ञानी बुद्धिमानी संसारमै हुन्न है भनी यमराजले कहे
यो रूपियाँ अचल हुन्छ चेकमा सरकारको सही छैन यमले भने ॥

०००
झापा