नेपाली हास्यव्यङ्ग्य अनलाइन पत्रिका

उषा गुरुङ :

शान्ति तिमी भाग्यौ कता ?
तराई दन्दन् सन्कियो यता
मौन छन् सत्ताधारी त्यता
छैन कतै शान्तिको पत्ता
खै माछा माछा भ्यागुता
शान्ति तिमी हरायौ कता ?

झुलुक्क आएको खबर पाएथेँ
शान्ति कतिले त दीपावली पनि गरेथे
पटेका पड्काएर तिम्रो स्वागत पनि
भएथ्यो
नेताको मुखमा पुरै आइथ्यौ
अखबारको पहिलो पृष्ठमा छापिएथ्यौ
तर,
माछा माछा भ्यागुता
शान्ति तिम्रो पलायन भयो कता ?

किन व्यर्थै झुल्किएकी हौ तिमी
जनतालाई भुलाएर जिस्किएकी त्यसरी
सबै अश्रुमा चुनिने रहेछ यहाँ यसरी
राष्ट्रको अर्थ खरानी भएको मर्नु छ हेरी हेरी
ए , शान्ति नक्कली बनेर किन पदारियौ ?
घरि भाग्ने घरि आए भन्ने बनिदियौ
यो झुटो पिङ खेल्न तिमी रमियौ
माछा माछा भ्यागुता
शान्ति तिमी फर्कियौ कता ?

०००
झापा