नेपाली हास्यव्यङ्ग्य अनलाइन पत्रिका

ढाकामोहन बराल :

“बाबु राम्रोसँग चलाउनु ल, पहाडी सडक होसियार हुनुपर्छ ।” मैले भनेँ । “बुबा हजुर चिन्ता नलिनु न । ड्राइभरको पनि ज्यानको त माया हुन्छ नि ।” माइक्रोबसको ड्राइभरले भन्यो । माइक्रोबस अगाडि बढ्यो । उसले भने जस्तै गरेर गाडी हाँक्यो ।” आज त आरामसँग यात्रा गरिने भयो ।

“सबै यात्री खुसी थिए । अकस्मात हामी चढेको माइक्रो बस बिग्रन गयो ।” के गर्नु हामीहरूलाई माफ गर्नुहोला । अघि सम्म ठिक थियो, इन्जिनको कुरा बुझ्न नसकिने । हजुरहरूलाई अर्को गाडीमा पठाउने ब्यवस्था मिलाउँछु ।” ड्राइभरले भन्यो । राजमार्गमा आएका अन्य माइक्रोबसहरूमा हामी सबै यात्रीहरूलाई मिलाएर पठाए । मलाई पनि एउटामा मिलाएर पठाए । अब चढेको माइक्रोबसको चलाई मलाइ मन परेन ।

“बाबु राम्रोसँग चलाउ न पहाडको साँघुरो बाटो छ ।” मैले भने । “माइक्रो चढ्न डराउनेले घरमै बस्नु नि ।” उसको जवाफ थियो ।

०००
पोखरा ७ मासबार, कास्की