नेपाली हास्यव्यङ्ग्य अनलाइन पत्रिका

ढाकामाेहन बराल :

नयाँ र पुराना
ठ्याक्कै उस्तै,
पहिला र अहिले
समान सोच,
यी बुढा भए पनि
तरुण हुँदा त्यस्तै थिए,
अहिलेका तरुण पनि बुढा भएपछि
उस्तै हुने होलान् ।
हामी मान्छे मान्छे
नभएर
दशैँमा टुँडिखेलमा
राखेका भेडा च्याङ्ग्राका
बथान बनेपछि
सत्ता पक्ष र बिपक्षले,
इतर र भितरले,
लहडी र सन्काहले,
अनि
बौलाह र मुर्खहरुले
सडकमा नै ल्याएर जोख्ने नै हुन्,
नाप्ने नै हुन्,
चन्द्र शम्सेरले ‘गुर्खाज’को टाउको
गनेर
बेलायती गल्लाबाट
रकम बुझे जस्तै
बुझिरहने हुन दाताहरुबाट ।

०००

पोखरा -७ मासबार, कास्की ।