डा. लोकेन्द्रप्रसाद पौड्यालचेत
न त कुरा काट्छन् बाँदर देखाई दोष पराईको न त खोज्छन शीर्ष मान चाकडी गराईको । त्यसैकारण ठान्छु बाँदर केहि चेत भाको विकृतिमा मान्छेभन्दा पछिपर्दै आको ॥
डा. लोकेन्द्रप्रसाद पौड्याल
विकृतिलाई पाखा लाउने
खै आत्मवल हाम्रो ?
हामीभन्दा बरु होलान्
बाँदर नै राम्रो ?
तिनका झुण्ड मिलेका छन्
समानता बोकी
हामीभन्दा बरु तिनै
संयम पनि हो कि ?
लुुटनै परे लुुटी खान्छन्
हाकाहाक्कीसँग
मान्छेजस्तो हुन्न तिनको
छलकपट प्रसङ्ग ।
तिनै देख्छु प्रायः तैयार
परिआउँदा आँट्न
मान्छेजस्तो बानी छैन
पाइलैपिच्छे ढाँट्न ।
न त कुरा काट्छन् बाँदर
देखाई दोष पराईको
न त खोज्छन शीर्ष मान
चाकडी गराईको ।
त्यसैकारण ठान्छु बाँदर
केहि चेत भाको
विकृतिमा मान्छेभन्दा
पछिपर्दै आको ॥
०००
काठमाडौं
