नेपाली हास्यव्यङ्ग्य अनलाइन पत्रिका

बिनुबाबा घिमिरे :

निवासको दायाँबायाँ
अरिङ्गालकै गोला रैछ
टेबुलको मुनि मुनि
पैसा थाप्ने झोला रेछ

आँखै झिम्म पारी पारी
सत्य पनि बोल्नै पर्ने
दरिद्रीलाई टारी टारी
लुकी मोल तोक्नु पर्ने

मीठो खान राम्रो लाउन
झुटै बोल्न पर्ने रेछ
टेबुलकै मुनिबाट
झोला थाप्न पर्ने रेछ

रोकिदिउँला भ्रष्टाचार
फाइदा नै हुन्छ भने
अरूलाइ हटाउँदै
काइदा नै हुन्छ भने

सत्य कुरा सत्य हुन्छ
सत्य चाहिँ बोल्नै पर्छ
झेालै थापी बसेको छु
मूल्य पहिल्यै तोक्नु पर्छ

मेच टेबुल कोठाभरी
सजाएरै राख्नै पर्छ
त्यहि टेबुल सजाउनै
मुनि झोला थाप्नै पर्छ

कुरा कतै फुस्किएमा
बुझ्नेबाटै हैरान हुन्छु
भित्ताकै नै कान हुन्छ
सुन्नेबाटै बैरागिन्छु

बोली हैन गोली जस्ताे
बाठो हुनै पर्ने रैछ
टेबुलकै मुनि मुनी
झोला थाप्नै पर्ने रैछ ।

०००
कलङ्की, काठमाडाैं