यस्तै छ हजुर यहाँको चलन
आफूले गर्न नसकेको काम भन्दिने हो त्यो कामै होइन अरुले गर्न सके भन्दिने हो कसैको बोलीको टुङ्गो छैन । आज आधि पेट खाए के भो देखाउनुमा छ यहाँ मज्जा आफ्नो गाडी मात्र पक्का अरुले चढेका सबै कच्चा ॥
नारायण भट्टराई :
लाउनु छ सधैँ फुर्ति अमेरिकन लाहुरेको बिल्ला भिरेर
कमायो तिर्यो कमायो तिर्यो सकिने होइन कहिलै तिरेर ।
देखेर छिमेकीको ठूलो घर हुन्छ अर्कोलाई सधैँ जलन
देखाउन लाई सबै राम्रो यस्तै छ हजुर यहाँको चलन ॥
आइनपुग्दै तलब खातामा आतंक मच्चाउँछन् बिलहरु मिलेर
आफ्नै सपनाको बन्धक मान्छे सोच्न सक्दैन जान फिरेर ।
पैसा हुनेलाई सधैँ मस्ती नहुनेलाई केवल जलन
देखाउनलाई हाँस्नै पर्छ यस्तै छ हजुर यहाँको चलन ॥
आफूले गर्न नसकेको काम भन्दिने हो त्यो कामै होइन
अरुले गर्न सके भन्दिने हो कसैको बोलीको टुङ्गो छैन ।
आज आधि पेट खाए के भो देखाउनुमा छ यहाँ मज्जा
आफ्नो गाडी मात्र पक्का अरुले चढेका सबै कच्चा ॥
सपनाको देशमा छन् मान्छे आफ्नै सपनाका दास
सपनाको घर पर्खिन्छ एक्लै मालिकको भने काममै बास ॥
०००
हाल अमेरिका