चन्द्रप्रसाद न्याैपानेनेताजीको सान
खाए माते स्वादिला मासु चोक्टा मर्दा भारी लास लाग्दै छ बोक्ता भाते रातेसाथमा सात भाइ काले गोरे फेरि छन् आठ दाइ देशै लुस्दै गर्न थाले रजाइँ यस्तै छन् नेता तपाईं मपाईं ।
चन्द्रप्रसाद न्यौपाने :
ल्याङ्ल्याङे नङ्ग्रे कि या होस् फट्याङ्ग्रे
ल्याङ्ग्रे होस् या लाहुरे होस् कि ढ्याङ्ग्रे
पाखण्डे होस् दाउरे या भुँडे होस्
नेताजीको सान नै हुन्छ जे होस् ।
भट्मासे आएर खाए सिनित्तै
कोही फुत्के चिप्लिदै रे पिलित्तै
स्वाट्टै दारे हेर ! पारेर रित्तै
के बित्ता नाप्थे यिनीमा छ भित्तै ।
कम्निस्टे काङ्ग्रेस केके छ नाम
जोखूँ बढ्तै कामभन्दा छ दाम
कोही लागे लाम कोही त धाम
जे जे जस्तै होस् यिनैमा छ सान ।
आउन्नन् बेलाइते तीनपाने
ठर्रा नेपाली पिए तीनमाने
खाए माते स्वादिला मासु चोक्टा
मर्दा भारी लास लाग्दै छ बोक्ता
भाते रातेसाथमा सात भाइ
काले गोरे फेरि छन् आठ दाइ
देशै लुस्दै गर्न थाले रजाइँ
यस्तै छन् नेता तपाईं मपाईं
०००
सिन्धुपाल्चोक, हाल भक्तपुर
