बिनुबाबा घिमिरेसाँढेको सडक
अन्न खानै नपाएर अनसन झै बस्न खोजे पानी पिउनै नपाएर ट्राफिककै ठाउँ रोजे कामै गर्न अल्छी गरि बसी खाने ढाडेहरू बाटै सारा बन्द गर्छन् सडकका साँढेहरू ।
बिनुबाबा घिमिरे :
बीच बसे साँढेहरू दायाँ बायाँ गाडी रोकी
चालकले देखेपछि माेडिएछन् जिब्रो टाेकी
ट्राफिक नै नहुँदा नि काम दिन्छन् साँढेहरू
सडकमै धर्नादिने हुन् कि तिनै डाढेहरू ।
मानिसलाइ हतार हुन्छ,मिटिङमा जानुपर्छ
घरमै खान नभ्याए नि बाहिर भ्याए खानुपर्छ
गन्तव्यमा पुग्नुपर्छ, बुझ्दैनन् ती पाखेहरू
सडककै बीचतिर तेर्सिदिन्छन् साँढेहरू ।
जनता बुझ्ने फुर्सद छैन, साँढे किन हेरोस् सरकार
आफ्ना पाल्तु जन्तुलाई खुवाउँछन् सबै दरबार
अब सबै दुखलाई हटाउँ भन्थे माडेहरू
तर बाटै बन्द गर्छन्, सडक ढुक्दै साँढेहरू ।
अन्न खानै नपाएर अनसन झै बस्न खोजे
पानी पिउनै नपाएर ट्राफिककै ठाउँ रोजे
कामै गर्न अल्छी गरि बसी खाने ढाडेहरू
बाटै सारा बन्द गर्छन् सडकका साँढेहरू ।
०००
कलङ्की, काठमाण्डाै
Subscribe
Login
0 Comments
Oldest
