नेपाली हास्यव्यङ्ग्य अनलाइन पत्रिका

बिनुबाबा घिमिरे :

उनी भन्थिन् मेरी छोरी
कति भाग्यमानी,
ओछ्यानमा बसेर
चिया पाउरोटी खानी

मेरी आमा भन्नुहुन्थ्यो
मेरी छोरी कति भाग्यमानी
मेचमा बसेर जागीर खानी

हजुरआमा भन्नुहुन्छ
मेरी नातिनी कति भाग्यमानी
हाँसेरै सबलाइ झुक्याउँछे
जानी जानी

अब सासुआमा भन्नुहुन्छ
मेरी बुहारी कति भाग्यमानी
चोर झुक्याउन नक्कली सुन
लगाउँछे छानी छानी

कुप्री हजुरआमा भन्नुहुन्छ
पनातिनी कति भाग्यमानी
थोरै कपडाले पुग्छ भनेर
छाेटो छाेटो लुगा लाउँछे मेरी नानी

सोल्टीनी भन्नुहुन्छ
मेरी सोल्टिनी कति भाग्यमानी
शरीरमा रामनाम ओढे पनि
धन चाहिँ जोड्ने नै पुर्पुरो हो
चोरे पनि ।

०००
कलङ्की, काठमाडाैं