दिव्य गिरीतीन मुक्तक उर्फ ठोक्तक
खानुस्, चिथोरेर खानुस् खानुस्, कोपरेर खानुस् देश तपाईंकै बिर्ता रहेछ खानुस्, निचोरेर खानुस् !
दिव्य गिरी :
१.
सक्कली नेपाली, नक्कली भुटानी बन्छ
दाह्री र जुँगा लामो भएसी मुर्ख ज्ञानी बन्छ
कुनै आश्चर्य मान्नु पर्दैन यो नेपाल हो नेपाल
जो भ्रष्ट र तस्कर छ, ऊ नै महादानी बन्छ ।
२.
जुलुस निकाल्नुस् र टायर बाल्नुस्
यो चोर त्यो चोर ! नारा भट्याउन थाल्नुस्
जति ठूलो स्वरमा करायो विपक्षी उति डरायो !
आगो निभाउनु भन्दा बरू पेट्रोल हाल्नुस् ।
३.
खानुस्, चिथोरेर खानुस्
खानुस्, कोपरेर खानुस्
देश तपाईंकै बिर्ता रहेछ
खानुस्, निचोरेर खानुस् !
०००
ललितपुर
Subscribe
Login
0 Comments
Oldest
