नेपाली हास्यव्यङ्ग्य अनलाइन पत्रिका

डा. बमबहादुर थापा ‘जिताली’:

करोडका चलखेल चलेका छन् बडा
चलखेल चपाउने कोही छैनन् खडा ।
नेताहरू भएका छन् साँढेजस्तै छाडा
जनताका निम्ति भए नेताहरू काँडा ॥

टाउकेहरू मिलेका छन् निलेका छन् सारा
सर्वहारा भन्नेहरू भएका छन् नारा ।
चुनाउमा भन्ने गर्छन्, खसाल्दिन्छु तारा
जितेपछि उनै हुन्छन् अजिङ्गरे दाह्रा ॥

बस्नखानै छैन ऐले महँगीमा पर्दा
चिन्ता छैन कसैलाई आत्महत्या गर्दा ।
प्रेम मरे, ठगिएका सोझासिधा मरे
मुलुक नै मार्नेहरू मार्न अघिसरे ॥

बन्चराले हान्न बाँकी राखेका छन् आज
अलिकति पनि छैन् नेताजीको लाज ।
जनताको चिन्ता छैन, चिन्ता घूसखोरी
आफू मात्र मोटाउन गर्छन् मनपरी ॥

घाम छदै रात पार्ने, भोट पनि झार्ने
भोट झरेपछि उनै जनलाई मार्ने ।
जेजे गरे बाह्र बजे, राति सबै गरे
कुवंशी नै भईकन अन्धकार छरे ॥

सधैँभरि भोगियो औँसी
जल्लाई दियो त्यै हुने कुवंशी ॥

०००
रचनाः २०७९ चैत, २९
मध्यनेपाल न.पा.–१, जिता, लमजुङ
९८४१४९१०८१