गायत्री परिरोशनीज्वाइँराजाहरूको नाममा !
म र म जस्ता ज्वाइँराजाहरू होसियार अब, छोरीको हातमा भान्छाकोठाको मात्र होइन सिङ्गो देश चलाउने चाबी छ । ज्वाइँराजाहरूको, ज्वाइँसाबहरूको रवाफ चल्दैन अब ।
गायत्री लम्साल :
आहा गज्जब,
एउटा राजा फालेर ध्वाँस किन लाउनु ?
डेढ करोड भन्दा बढी
हामी ज्वाइँराजाहरू सशक्त छौँ ।
छोरीका पहिचान र अस्तित्व
नामेट पारेका हामीलाई
केही मानेमा कमजोर नसोच्नू ।
हाम्रो ससुराली सिङ्गो मुलुक भएपछि
मेजमानी खान रोक्ने कसको तागत ?
काम नै नगरी मिठो खान पाएपछि
ज्वाइँराजाको सम्मानमा,
जे–जे गरे तापनि,
मिष्ठान्न भोजनको साथमा
गुन्द्री र गलैँचाको तातो सम्मान पाएपछि ।
मौका मिल्नासाथ हात्ती समाइन्छ
देशको भएजतिको विकास बेचेर
बेहिसाब रमाइन्छ ॥
उमेर समुहको नाममा
एक्स, वाई, जेड, अल्फा, बिटा
जे–जे भन्नुहोस्,
पेशाको नाममा
कर्मचारी, नेता, व्यापारी आदि इत्यादि
सबै सेम माने उस्तै
ज्वाइँकै प्रजाति हौँ ॥
एउटी छोरी मारेर फाल्ने
त्यही ज्वाइँलाई,
अर्को छोरी दिने परिवार र आफन्त भएपछि
ज्वाइँको सान साँढेको भन्दा खतरा छ ।
त्यसैले त देश अहिले,
ज्वाइँहरूलाई ससुरालीले दिएको
बिर्ता भएको छ ॥
त्यसैले अलिकति भएको विकास
समेत फिर्ता भएको छ ॥
आफ्नो घर बिगार्ने अनि
अरुको घर समेत भत्काउने
म र म जस्ता ज्वाइँराजाहरू
होसियार अब,
छोरीको हातमा
भान्छाकोठाको मात्र होइन
सिङ्गो देश चलाउने चाबी छ ।
ज्वाइँराजाहरूको, ज्वाइँसाबहरूको
रवाफ चल्दैन अब,
आफ्नो पहिचान जोगाउनलाई
कुरा काट्न छोडी काम गर्न थालौँ
खुराफाती छोडेर कर्ममा रम्न थालौँ ।
पुस्तौँपुस्ता देखिको घमण्ड नपालौँ
इमान र नैतिकतालाई कौडीमा नफालौँ ।
अन्याय र अत्याचारको बत्ती नबालौँ
देश बचाउने, जोगाउने र फलाउने
आमाहरूको सम्मान गरौँ ।
०००
स्याङ्जा
ज्वाइँसाहबहरूको धुत्छ र रवाफमा गतिलो फापट