नेपाली हास्यव्यङ्ग्य अनलाइन पत्रिका

बिनुबाबा घिमिरे :

मैले कुकुर पालेकै हाे
साँच्चै भोट हालेकै हो

घरैभरी झोला थिए छरपष्ट पार्ने
त्यो झोलामा के के मात्र अटाउँछ र हाल्ने
त्यसैले त नचाहिने झोला च्यातिदिएँ
कराककुरूक पारेँ डष्टविनमा हालिदिएँ ।

बाहृ सत्ताइस कुरा हुने मान्छे भेटेपछि
भोक धेरै लाग्न थाल्यो भान्छे भेटेपछि
बिना कुकुर ढोकामा सावधान लेख्न थालेँ
थोत्रा झोला च्याति च्याति डष्टविनमा हालेँ

रातो रातो बन्दै गयो सबको मुहार
कोसँग पो कसले माग्ने अबको गुहार
मैले हार्दा देशले नै हार्यो भन्न थालेँ
थोत्रा झोला च्यातेर नै डष्टविनमा हालेँ

यो भित्ताको भित्रै बसी कानेखुसी गरेँ
सँधै बस्न हुन्न भनी रामराज्य तरेँ
बोलीले नै भाला रोपेँ टिप्दै फाल्न थालेँ
रित्ता झोला बटुलेर डष्टविनमा हालेँ ।

०००
काठमाडाैं