डा. विप्लव ढकालराज्यसँग एकालाप
र, आज फेरि किन तिमी मेरो नाबालख छोराको अगाडि यसरी नाङ्गै र खाली हात उभिएका छौ ? मलाई अज्ञात शहीद बनाउने राज्य ! म यो प्रश्न तिमीलाई सोधिरहेको छु !
डा.विप्लव ढकाल :
तिम्रो तिर्खा मेटाउन
मैले आफ्नो रगत दिएँ !
तिम्रो नग्नता ढाक्न
मैले आफ्नो छाला दिएँ !
तिमी भोकाएको बेला
मैले शरीरको मासु दिएँ !
तिमीलाई अमर राख्न
मैले मेरो इतिहास दिएँ !
मेरो रगत, छाला, मासु र इतिहास
कहाँ फाल्यौ तिमीले ?
ए । कहाँ फाल्यौ ?
र, आज फेरि किन तिमी
मेरो नाबालख छोराको अगाडि
यसरी नाङ्गै
र खाली हात उभिएका छौ ?
मलाई अज्ञात शहीद बनाउने राज्य !
म यो प्रश्न तिमीलाई सोधिरहेको छु !
०००
काठमाडाैं
Subscribe
Login
0 Comments
Oldest
