प्रा. कपिल अज्ञातशैतानको बगान
हर परिवर्तनमा विदेशीकै मर्यादा विदेशीकै मान विदेशी पनि यस्तो बाहिर मित्रताको नाटक गरेर भित्रभित्रै जरा उधिनेर काट्ने सद्भावना राखेजस्तो गरेर कुटिल र कपटी भएर ढाँट्ने ।
प्रा. कपिल अज्ञात :
यो संविधान के संविधान !
आफ्नै भान्जाभतिजा र
सालाजेठानकै हुने प्रशस्तिगान
उनीहरूकै चल्ने
प्रपञ्चको अभियान
यो संविधान के संविधान ?
कहाँ देखिन्छ सहीसत्य कमान
विदेशीकै चलखेल विदेशीकै शान
हर परिवर्तनमा विदेशीकै मर्यादा
विदेशीकै मान
विदेशी पनि यस्तो
बाहिर मित्रताको नाटक गरेर
भित्रभित्रै जरा उधिनेर काट्ने
सद्भावना राखेजस्तो गरेर
कुटिल र कपटी भएर ढाँट्ने ।
मान नमान म तेरै मेहमान
जमिरहेकाले ठानिरहेछन्
जनतालाई मात्र भेडा बाख्राको बथान
उपभोक्ताका निम्ति
पालनपोषण गरिरहेझै
लाग्दैछ देश नै
शैतानको बगान
यो संविधान के संविधान ?
०००
कीर्तिपुर
कविता क्षितिज (२०८२)
Subscribe
Login
0 Comments
Oldest
