नेपाली हास्यव्यङ्ग्य अनलाइन पत्रिका

उठौँ भन्दा छिर्के हान्दै पछार्ने छन् मित्रहरू
जुटौँ भन्दा बोल्छस् भन्दै हकार्ने छन् मित्रहरू

जेसुकै होस् आफ्नै देशमा इलम गरौँ भन्छु म चैँ
झट्टै पासपोर्ट बना भन्दै झपार्ने छन् मित्रहरू

आफु मोरो मानवताको सोझै कुरा गर्न खोज्छु
बुझ पचाउँदै हिंसातिरै बटार्ने छन् मित्रहरू

भन्नलाई त पराई नारी मातासरी हुन्छ भन्छन्
पाएसम्म परस्त्री मसार्ने छन् मित्रहरू

गाउँको बि.वकाश बजेटलाई व्यवस्थापन गर्नुपर्ने
खल्ती मोटो पार्नलाई खंगार्ने छन् मित्रहरू ।

धादिङवेंसी