नेपाली हास्यव्यङ्ग्य अनलाइन पत्रिका

बिहान सबेरै उठेर
मर्निङ वाक जान्छ
खोलानालाको दुर्गन्द खान्छ
फर्किदा गाडीको धुवा
चुरोट झै तान्छ
त्यसपछी
होटेलमा बसेर गफ मार्दै
चियासङ्ग धुलो धङ्कर खान्छ
वारे काठमान्डौ
तर पनि आफुलाई
देशको सभ्य नागरिक ठान्छ ।

दश मिनेटको बाटोलाई
पुग्न घन्टौ लगाउछ
धनाड्य परिचय दिदै
कुकुरलाई बाटोमा हगाउछ
न नगरपालिकाले उठाउछ
न त्यो नियती गर्न छुटाउछ
महिनौ लडेको लिडलाई
बिचरा झरी आएर बगाउछ
वारे काठमान्डौ
पार्टी भोजमा जादा
सेन्ट छर्केर भए पनि मगमगाउँछ ।

पानी माग्यो भने अकमकाउँछ
बास माग्यो भने डगमगाउँछ
गास माग्यो भने झन लकमगाउँछ
अध्यारोमा हिंड्न धकमकाउँछ
वा रे ! काठमान्डौ
लोडसेडिङ्ग भए पनि
इन्भर्टर बालेर जगमगाउँछ ।

क्याबीन भट्टी डिस्को धाउँदै
कहिले कतै दोहरी गाउँदै
बियर, व्हुस्की, ठर्रा पिउँदै
रात रातभर टिल्ल पर्छ
वा रे ! काठमान्डौ
खल्ती रित्तिए पछी
बिहान आँफै जिल्ल पर्छ ।