नेपाली हास्यव्यङ्ग्य अनलाइन पत्रिका

गाईगोडे ग बिचरो गतिलो गुनिलो थियो
गाई बनी दूध दिन्थ्यो गोरु भै खेत जोत्तथ्यो ।।

गधा भै बोक्तथ्यो भारी गीत भै गान गर्दथ्यो
गुलाब फूल गजरा गलामा पहिराउँथ्यो ।।

गजूर भै गगनमा गरिमा गर्व गर्दथ्यो
गुणा गणन गरी जम्मा गाउँ नै गमकाउँथ्यो ।।

तर
गरीब गर्भेटुहुरो हुनाले गुण गाडियो
गलगण्ड भयो ग्वाँजे गन्धेमा गनिने भयो ।।

गाली र गिल्ला खाएर गुजी झैं ग्रहणीय भो
गिँडियो गहते भन्दै गोदियो गर्धन्याइयो ।।

गनौं कति गको गाथा गति यै छ गरीबको
गजेन्द्ररमोक्ष कहिले होला ग्वाङ्ग्रे गुलामको ।।
कमलपोखरी, काठमाडौं