खगेन्द्र गिरि ‘कोपिला’राजनीतिको बिँडो
चर्की चर्की भाषण गर्न मैले पनि जानेँ
अहिलेदेखि आफैलाई ठुलै नेता ठानेँ
नेता बन्न आजसम्म के के गरिएन ?
कहिले नारा कहिले आगो कहिले ढुङ्गा हानेँ
पढ्नतिर मन गएन जब स्कुल पढ्दा
गरिखानु पर्छ भनि एउटा पार्टीं छानेँ
मुखमा राम राम भने पनि बगलीमा छुरा
यसो गर्न नसकेमा कसो गरि खाने ?
विपक्षीले भडकाए मान्छे फकाउँदा
सबै तिकडम गरि गरी आफैतिर तानेँ ।
जनताले जनताद्वारा जनताहरूको लागि
भनी भनी राजनीतिको बिँडो मैले धानेँ ।
आदर्शमार्ग, नेपालगञ्ज
Subscribe
Login
0 Comments
Oldest
