मरुभूमि नारायणमट्टितेलले मेट्नै गाह्रो
थोरै पिउँदा हात टेक्नै गाह्रो भा‘छ
आइरहन्छ दबाव छेक्नै गाह्रो भा‘छ ।
बन्द हड्ताल नानाथरी के के हो हो
आजकल बजारमा देख्नै गाह्रो भा‘छ ।
कतै धर्ना अनशन कतै नारा जुलुस
के लेख्ने नलेख्ने लेख्नै गाह्रो भा‘छ ।
सामन्ती संस्कार कहिले जानी होला ?
खुट्टैदेखि उखेलेर खेद्नै गाह्रो भा‘छ ।
गुलियो बोली वचन बोली हाले तिन्ले
नेताले जनतालाई भेट्नै गाह्रो भाछ ।
लेखे कालो कागजमा कालो मसीले
अहिले मट्टितेलले मेट्नै गाह्रो भाछ ।
तनहुँ
Subscribe
Login
0 Comments
Oldest
