नेपाली हास्यव्यङ्ग्य अनलाइन पत्रिका

क्या मोज थियो
सत्ता थियो साथमा
क्या मोज थियो
सञ्चो थियो गाथमा
मन्त्री मिलेर
भत्ता जति लुँड्यायौँ
मिली सांसद
लुट्यौँ कति लुटायौँ
नेता भैकन
पुग्नेगरी जोडियो
ढुकुटी भर्न
अहिले पो छोडियो
सुकुटी पार्न
गर्नु गर्यौँ नगर्नु
रचेर काण्ड
कति खानु डकार्नु
सोचेको स्वार्थ
सबै सिद्ध गरियो
आँखा चिम्लेर
भकारी क्या भरियो

थुतुनो जोड्यौँ
राम्री केटी छानेर
धुरी चढेर
भेटी राख्यौँ जानेर
मौका छोपेर
काखापाखा गरियो
मन्त्री भएर
ट्याङ्का–ब्याङ्का भरियो
पुर्पुरो हाम्रो
छँदै थियो बलियो
दशा लागेर
अहिले पो गलियो
यस्तो बेलामा
कता गए स्वजन ?
आयोग आयो
आधा घट्यो ओजन
सम्झेको छु भोजन ।

काठमाडौँ