हरिकला उप्रेतीगज्जब गरेँ
मैले पनि पिउन शुरु गरेँ
नालीमा नाक जोत्दै जिउन सुरु गरेँ
प्रत्येक साँझ साइँलाका भट्टीमा गई
टन्न मर्द झैँ टन्कने काम
हिजो आज आफैँले खुरुखुरु गरेँ ।
काले थियो पहिले, कालिकोटमै छोडेँ
गोरेसँग गोर्खामा घरजम जोडेँ
लभ्ली लोग्नेलाई होमवर्क छोड्दै
दुइटा ब्वाइफ्रेन्ड अन्तै जोडेँ ।
गाँस बास कपास
बाँकी क्यासिनोमै छोडेँ
वियर भोड्का हुस्की पिएँ
सबको शेखी झारेँ
चरेश पनि चाखिसकेँ
सूर्ति गाँजा गज्जव हुन्छ
नारी हितको उत्थान गरी
पुरुषलाई पछि पारेँ ।
माग्दा दिने अधिकार
आजैबाट चाहिँदैन
खोस्यौँ सबै अधिकार
छैन भन्न पाइँदैन
चाँडै गरौँ उठौँ जुटौ
हुलै कसौँ दिदी बहिनी
हन्ड्रेड पर्सेन्ट नै हाम्रो हो अब
तेत्तीस पर्सेन्ट चाहिँदैन ।
तेह्रथुम, आठराई
Subscribe
Login
0 Comments
Oldest
