नेपाली हास्यव्यङ्ग्य अनलाइन पत्रिका

आफनै पसिनाले माटो भिजाएर
हामीले उमारेको धानखेत
आँखाभरि लहलहाइरहेको बेला
टाढाबाट आइरहेको हुल
अनिष्टको सङ्केत दिइरहेको छ
उनी जोसुकै पनि हुन सक्छन्
धान लुटेराहरू पनि हुन सक्छ
संशयमा डराएर कसलाई गुहारने
म पनि आउँदै छु, तिमी पनि आऊ
आऊ हामी हाम्रा हातहरूलाई
हवामा खुकुरी झैं चमकाऊँ
सबैतिर साहसको गन्ध फैलिन दिऊँ
आफ्नो मिहिनेतले उमारेको धानखेत
यसै कसैलाई लुट्न दिंदैनौं
भावना भरेर देशप्रेमको मुटु मुटुमा
प्रण गरौं हामी सबै एक भै
यसपाली सफल हुन दिंदैनौ
गुरुयोजना भिजिलान्तेहरूको ।

विराटनगर