नेपाली हास्यव्यङ्ग्य अनलाइन पत्रिका

खोक्ररा बोक्ररा, कर्मकाण्डी स्वभाव
घिच्ने थिच्ने, दानवी दुस्ट भाव ।
सत्ता भत्ता, गुन्जिँदै स्वार्थ– नाद
लुट्छन् कुट्छन्, खै कहाँ बीपिवाद ।।१।।

मात्रै सम्झी, श्राद्धको ढ्वाङ रच्ने
बिपी भन्दै, आफू— आफ्ना हसुर्ने ।
धिक्कारै हो, ढोल मात्रै छ वाद
चुक्छन् झुक्छन्, खै कहाँ बीपिवाद ? ।।२।।

खेदी अन्तै, सिर्जनाका तरूण
छेदी बन्दै, उन्नति मांस रुग्ण ।
सानो छाती, शुष्क हौ मात्र पात
बिपीमाथी, गर्दछौ हातपात ।।३।।

धादिङ