नेपाली हास्यव्यङ्ग्य अनलाइन पत्रिका

थाहै नपाइ आफ्नै भित्रबाट आउँदो रहेछ माया
कहिले आउने, कति कत्रो आउने, कहाँ आउने
ऊ आफै तय गर्दो रहेछ माया
डन्डीफोर जस्तै हुँदो रहेछ माया ।

तन मन धन केहि नहेर्ने हुँदो रहेछ माया
आफैबाट उब्जिएर आफैलाई दुख्दो रहेछ माया
आफै दुख थपेर निकालेर नफालेसम्म
टन टन टन टन्की रहने हुँदो रहेछ माया ।

आएको माया नफालेर राखे
पछि ठुलै घाउ बन्दो रहेछ माया
बिसेकै भए पनि खत छोड्दो रहेछ माया
डन्डीफोर जस्तै हुँदो रहेछ माया ।

बत्तिसपुतली, काठमाडौं