नेपाली हास्यव्यङ्ग्य अनलाइन पत्रिका

दिनको उज्यालोमा नदेखिने
ताराहरू रातमा चम्कने गर्छन्
देशमा व्यापक स्रोत हुनेहरू
अन्धकारमा रुमल्लिएर बस्छन्
अथाह जनशक्ति पालेको नेपालले
खाडी मुलुकमा निर्यात गर्ने गर्छन्
सुकेनाश र क्यान्सर भएका नेताहरूलाई
कर तिरी तिरी पाल्ने गर्छन्
नराम्रालाई काखी च्यापी च्यापी
राम्रालाई पाखामा पछार्ने गर्छन्
मुखमा राम नाम जपि जपि
काखमा राखेर छुरा धस्ने गर्छन्
त्यही पाप पखाल्नलाई पापीहरू
मठ मन्दिर धाउने गर्छन्
त्यही मन्दिर जाँदा पनि
एक तिहाई मात्र छोपी जान्छन्
निहुरेर भगवानलाई ढोग्न लाग्दा
आफ्ना अङ्ग प्रदर्शन गर्छन् ।

काठमाडौं