नेपाली हास्यव्यङ्ग्य अनलाइन पत्रिका

(भूतको भिनाजु)

कपाल चारैतिर चट्ट काटी
पाटी लगाई सव त्यो तलासी
ऐना लिई आँ गरी ओठ दाँत
जिभ्रो–गिजा जाँचि पुछेर हात ।

जुँगा मुसारी मुखमा चुरोट
च्यापी डटेको नकटो छ कोट
मोजा कलेजी सुरुवाल सेतो
कमीज नीलो पटुका पहेंलो ।

चश्मा हरियो गलेबन्द जाली
जुत्तामहाँ खुब् टलकन्छ काली
टोप्रेलको टोपी ढलक्क ढाली
रूमाल रातो मुखमा छ लाली ।

ठाडो शिकारी खुकुरी भिरेर
छट्के टिकोलाई पिठो घसेर
कक्र्याइ आँखा मुखमा सुपारी
चपाउँदै रङ्ग परेर भारी ।

गालामहाँ चट्ट लगाई हात
थर्काउँछन् मण्डलि भै समाज
यस्तो मजाको नकली मयूर
आहा ! ! बनूँ है म पनि हजूर !

(‘शारदा’ वर्ष ८ अङ्क १ सं. १९९९ बैशाखको विशेषाङ्कबाट)