नेताको नौटङ्की
जहाँ पनि झिक्ने गर्छन् बखेडा नि यिनै
भ्रष्टाचारी महलका अखडामा यिनै ।
स्वार्थी माग तेर्स्याउने काम गर्छन् यिनै
मिली–जुली कुम्ल्याउने धन्दा गर्छन् यिनै ।
अड्डादेखि अदालत तगडा छ यिनकै
सधैंभरि खिचातानी झगडा छ यिनकै ।
सर्वहारा गरिब झैं नारा चर्को यिनकै
आयोजना जनमुखी नखरा छ यिनकै ।
कमिसन तन्त्र–मन्त्र बडा दुनो यिनकै
दीनदुखी दुन्याएको भकारी छ यिनकै ।
राष्ट्रियता रटाउन सिपालु छन् नेता
राष्ट्रियता, धर्मकर्म, सर्म छैन यता ।
युरोपको डलरले किनेका छन् अन्डा
राष्ट्रवादी नारा दिन्छन् उचालेर झन्डा ।
न त बन्यो सहमति, न त संविधान
बनाउने जुटाउने पारेका छन् भान ।
जनताले जानिसके नौटङकीको चाला
नेताजीको नाटकमा भुले देशै जाला ।
काठमाडौं