दुर्गाप्रसाद ग्वालटारेसक्ने भएँ अब
भाँडभैलामा पनि हाँस्न सक्ने भएँ अब
धुलोमैलामा पनि बाँच्न सक्ने भएँ अब ।
लाज, डर सबै पचिसक्यो भने हुन्छ
पाइला–पाइलामा नै ढाँट्न सक्ने भएँ अब ।
ठुस्कीरहुन् ‘शान्ति’ मतलब भएन केही
खैलाबैलामा पनि सुत्न सक्ने भएँ अब ।
मगन्ते संस्कार गजबसँग सिकिसकेँ
दैला–दैलामा गै माग्न सक्ने भएँ अब ।
माग्दा नमिले धम्क्याएर अनि तर्साएर
थैला– थैलामा साँच्न सक्ने भएँ अब ।
ढुक्क हुनोस् आमा ! पक्कै छोरोले गरिखान्छ
पला–पलामा नाङ्गै नाच्न सक्ने भएँ अब ।
२०७१ माघ
काठमाडौँ
Subscribe
Login
0 Comments
Oldest
