नेपाली हास्यव्यङ्ग्य अनलाइन पत्रिका

भुटेको मकैको स्वादको व्याख्या
दाँत भएकाले भन्दा दाँत नभएकाले राम्रोसँग गर्छ
सरकारले के कस्तो गर्नुपर्छ ?
त्यो त सरकारमा भएकालाई भन्दा नभएका र नहुनेलाई सोध्नु पर्छ !

कुन तेलले कपाल बाक्लो बनाउँछ ?
प्रश्न भुइँमा झर्न नपाउँदै पहिलो उत्तर तालुखुइलेबाट नै आउँछ
पैसा कसरी कमाउन सकिन्छ ? सोध्नु होस् त,
सप्पै भन्दा धेरै उपाय सबैभन्दा गरिबले खररर सुनाउँछ ।

कुन ओखतिले खोकी ठ्याम्मै बिसेक हुन्छ ?
सबै भन्दा पहिले उत्तर दिने र खोक्ने उही हुन्छ
के गर्यो भने देशको विकास हुन्छ ?
जसले देशको बिनास गरेको छ पहिलो उत्तर दिने उही हुन्छ ।

मोटाउन के गर्नु पर्छ ?
त्यसको उत्तर– रामायण त फुके ढल्ने मरनच्याँसेलाई थाहा हुन्छ
दुब्लाउन के गर्नु पर्छ ?
उत्तर दिन अघि सर्ने पहिलो मोटे नै हुन्छ ।

गणतन्त्रको आन्दोलनमा जसले स्वजन गुमायो
गणतन्त्रको ठूलो प्रचारक उही हुन्छ
पुराना जुन जुन आन्दोलनमा जो जो कैदी भए या दुख पाए
नयाँ आन्दोलनका कुरा गर्ने त्यही हुन्छ
जो जे कारणले पीडित छ, त्यही कारणको प्रचारक पण्डित त्यही हुन्छ
जो जे कारणले पीडित छ, त्यही कारणको प्रचारक पण्डित त्यही हुन्छ ।
बत्तिसपुतली, काठमाडौं