मरुभूमि नारायणसडक व्यापार
व्यापार गरे सडकमा पसल थापेर यतै
भित्तातिर भन्दा बीचतिर चापेर यतै ।
ल्याउनु पर्छ बस ट्रक सामानको भारी
पार्किङ ट्राफिककै अगाडि राखेर यतै ।
पोकापुन्तुरा बोकाइ दौडाउँछन् प्रहरीले
थुतुनो टाले लाठी हान्दैनन् ताकेर यतै ।
सडक हो भरपर्दो समस्याको समाधान
आउनुहोस् सम्पूर्ण आफन्त डाकेर यतै ।
जाम गरी सवारी भयो पतिको पत्नीको
आए रक्षक शरणमा मजाले थाकेर यतै ।
चिन्नै गाह्रो भो सडक हो कि गैरी खेत ?
आउनोस् गुरु हिलोमा गाडी जाकेर यतै ।
सुविधा राम्रो छ गास बास र मिठासको
जानुस् पोथी कुखुरीको मासु चाखेर यतै ।
तनहुँ
Subscribe
Login
0 Comments
Oldest
