नेपाली हास्यव्यङ्ग्य अनलाइन पत्रिका

धर्ममा अभिमान, अचम्म छैन त !
आ–आफ्ना भगवान, अचम्म छैन त !

पुरानो जलाउँछन्, नयाँ खै बन्दैन,
नेपालको संविधान, अचम्म छैन त !

एक चोक्टा नेपाल र एक डाडु प्रदेश भाग,
सङ्घीय पहिचान, अचम्म छैन त !

गाउँलेको पिटाइले त्यो डाँका मर्दा’नि
सहिदको बलिदान, अचम्म छैन त !

निर्वाचन लागेछ, पक्का भो अब चाहिँ,
भट्टीमा स्वदेश गान, अचम्म छैन त !

खोली र खहरे, धमाधम लिँदैछन्
‘सागर’को इम्तिहान, अचम्म छैन त !!