नेपाली हास्यव्यङ्ग्य अनलाइन पत्रिका

उहाँ भ्रस्टाचार गर्नुहुन्न,
भ्रस्टाचारले उहाँलाई गरिदिन्छ त के लाग्छ ?
उहाँ बेस्यालय जानुहुन्न,
उहाँ जहाँ जानुहुन्छ त्यहि बेस्या हुन्छन् त के लाग्छ ?
उहाँ अपराध गर्नुहुन्न,
उहाँले जे गर्यो त्यसैलाई अपराध भनिदिन्छन् त के लाग्छ ?
उहाँ चोरी गर्नुहुन्न,
जे उठायो समान अर्कैको पर्छ त के लाग्छ ?
उहाँ ढाँटनुहुन्न,
उहाँका कुरा सुन्नेले पत्याउनै सक्दैनन् त के लाग्छ ?
उहाँ कहिलेकाहीँ मात्रै रक्सि पिउनु हुन्छ,
त्यो कहिलेकाहीँ घण्टाघन्टामा दोहोरिइ दोहोरिइ आउँछ त के लाग्छ ?
उहाँ जुवा खेल्नुहुन्न,
उहाँले जे खेल्नुहुन्छ त्यसैलाई जुवा भनिदिन्छन् त के लाग्छ ?
उहाँ त सज्जन आदर्श व्यक्ति हुनुहुन्छ,
उहाँलाई सबैले नेता भनिदिन्छन् त के लाग्छ ?
काठमाडौं