मरुभूमि नारायणउहाँ जानु भो !
गठबन्धनबाट उहाँ छुटेर जानु भो
बेलून ठानेको थिएँ फुटेर जानु भो ।
राखिदिएकै थिएँ हातहतियार सामु
पन्छाइ सारा कुर्सीले कुटेर जानु भो ।
अर्काको शरीर सोचेको थिइन कैल्यै
एउटा अभिन्न अङ्ग टुटेर जानु भो ।
बिगार्न त उहाँलाई सिकाउनै पर्दैन
देशको अहित गर्न जुटेर जानु भो ।
बधाइ छ नेपाली जनताको तर्फबाट
लुटेरै आउनु भएथ्यो लुटेर जानु भो ।
तनहुँ
Subscribe
Login
0 Comments
Oldest
