चट्याङ मास्टरदेश बनाउने
देशको धेरै चिन्ता नगर्नोस् है
तपाई चिन्तित देखेर देश शोकसन्तप्त छ ।
तपाईंका बिचारले देश बन्ने भए
आजसम्ममा तपाइँ नै बनि सक्नु हुन्थ्यो
आफै कुहिएर फतफत झर्न लागेकाले
देशलाई सम्बृद्ध बनाउने बिचार नगरे पनि त हुन्थ्यो ।
देशको धेरै चिन्ता नगर्नोस् है
तपाईं चिन्तित देखेर देश शोकसन्तप्त छ
के देश बनाउने कुरा गर्नु हुन्छ ?
तपाईं बिग्रिएको देखेर देश आक्रान्त छ ।
एक थाल भात आफैं बनाउनु नि बरु
भोक लागेको बेला अरुको नचोरी खान त मिल्छ
आफ्नै लागि एक थाल भात बनाउन नसक्ने ऊ
जुन बेला हेर्यो देशै बनाउन लागि रहेको हुन्छ ।
देशको धेरै चिन्ता नगर्नाेस् है
तपाईं चिन्तित देखेर देश शोकसन्तप्त छ ।
काठमाडौं
