नेपाली हास्यव्यङ्ग्य अनलाइन पत्रिका

१. जङ्गलमा उहिले त बस्थ्यो मान्छे अरे !
हो कि क्या हो ! कुनै वेला जङ्गली छ मान्छे !

२. जे भन न ! भन्यो ! भन्यो ! किन लिँडे मान्छे !
अचेलको किन किन अर्कै छ है मान्छे !

३. ओहो ! कत्रो अहम् बाबै ! गान्धी जित्ने जिद्दी !
आँखा चिम्ली कुधेको छ अचेलको मान्छे !

४. नुन सुन महँगा छन् विवेक झन् मुगो !
महँगीमा सस्तो जस्तो अचेलको मान्छे !

५. सवै जान्ने ! सवै बुझ्ने ! पण्डित झन् धेरै !
ज्ञान भन्दा पर पर भागेको छ मान्छे !

६. सिनेमामा कुध्ने पारा गोष्ठीतिर सर्यो !
कार्यक्रमतिरै कुध्न लागेको छ मान्छे !

७. एकातिर कुध्नतिर लागेको छ मान्छे !
अर्कातिर मस्त मस्त ! हो झैं छ है मान्छे !

८. हाहाहुहु नगर्ने त लाटो हो है मान्छे !
हाहाहुहु दौडिदत्त ! अचेलको मान्छे !
झर्रो नेपाली घर, चन्द्रगढी झापा