नेपाली हास्यव्यङ्ग्य अनलाइन पत्रिका

हुने हैन सहमति किन बस्ने टोली ?
दिक्क भई धरहरा चढ्न गए ओली

लाख चोटी बसे पनि उही त हो पारा
खाने भए अन्तरेले आफ्नै साख पोली

स्वाहा भयो सात बर्ष टाढा गयो हर्ष
आज जस्तो यिनीहरु उस्तै हुन्छन् भोलि

किन होला नमिलेका ? के हो यिनको स्वार्थ
के के हाले भरिने छ यी पापीको झोली

भन्नु छैन यही दोषी, नकच्चरा सबै
हिडेका छन सडकमा पूरै बस्त्र खोली

कहाँ बन्छ संजीवनी त्यो अमृत प्याला ?
गोरस र सोमरस एकै ठाउँ घोली !!!!!!

बाह्रै मास उनीहरु गर्छन मोज -मस्ती
सधैंभरि प्रभुलाई दशैं -तिहार -होली

चितवन