साधुराम खड्काकलियुगमा आज
आमा शब्द आधुनिक भो कलियुगमा आज
महत्व नै नबुझेर लागिरैछ लाज
सँगै हुँदा वास्ता छैन बोल्ने हैन बचन
नहुँदा चै चीज गर्छौ राखी मीठो भोजन ।
दुर्जनको साथ छोड गर आमाको पालन
तिम्रै पालो आउँदैछ है विचार गर सन्तान
आमा भन्ने शब्दै महान् सोची विचार गर
जति सक्छौ सेवा गर नमाने है डर ।
औँसीका दुई शब्दले आमा मन खुसी छैन
नाटक मञ्चन टोलीलाई आमा चाहिँदैन
बिहे अघि संसारकै प्रिय लाग्थिन् आमा
आफ्नो घरबार भएपछि ओझेल परिन् आमा ।
औंसी पूर्णे हैन सधै सम्झिरहूँ आमा
सेवा गरे बाबुआमाको पर्दैन कुनै धाम
आमा नै हो सूर्यपृथ्वी, जल तेज वायु
सेवा गर खुसी राख बढ्छ तिम्रो आयु !!
काठमाडौं
