नेपाली हास्यव्यङ्ग्य अनलाइन पत्रिका

जीवन शृङ्गार
शृङ्गार जीवन

म सिँगारिएर एक्लै निस्किएँ घरबाट
मेरा पछि पछि जन्ती थपिँदै गए
म पुगेँ मेरो प्रियतमको घर
कोही मेरो त्यही खुसीमा नाचे रमाए
मेरा मित्रहरूको सूचीमा आफ्नो नाम दराए
जो फर्किए खालीहात
तिनले पनि मेरो शृङ्गारमा क्षणिक जीवन रस पाए
मेरो शृङ्गार थियो केन्द्रमा
जो वरिपरि आए सबै रमाए
सबै रमाए

जीवन शृङ्गार
शृङ्गार जीवन ।
काठमाडौं