नेपाली हास्यव्यङ्ग्य अनलाइन पत्रिका

काली तिमीलाई
फुल पनि चढाएँ
बोको पनि लडाएँ
दुईचार दाम दिएर
बाजेलाई चन्डी पढाएँ
तर पनि
समस्या उस्तै छ
अवस्ता दुरुस्तै छ
माता अब हजुर
भेजिटेरियन पो होइसिन्छ कि
नत्र लड्डुु चढाउँथे
नरिवल चढाउँथे
आजभोलि
म पनि मासु खाँदैन
बेकार किन बोको लडाउँथे
फेरी सुगर लागेको छ कि
के फलफुल नै चढाउँथे
उता पनि महङ्गी होला
हजुरले पाउने भए
बरु भेटी नै बढाउँथे ।

पुजारीको त के विश्वास
हजुरको बारे सोधे भन्दै नभन्ने
फेरि कति कुरो त जान्दै नजान्ने
आफ्नो घर बनाउँछन्
हजुरको घर त
भत्के पनि बनाउँदैनन्
अरुकै आश गर्छन्
आफ्नो त सुको खनाउँदैन
देवीको नाममा मागेर
घरकी देवीलाई चढाका छन्
हेर्नुस् पुजारीले त कसरी
गणेशजीको जस्तो भुँडी बढाका छन्
बरु सिधा सम्पर्क हुने भए
हजुरलाई के मन पर्थ्यो लान्थे
कहाँ हुनुहुन्छ हजुर
बरु दुई चार महिना
हिंडेर भए पनि जान्थेँ ।
दाङ, हाल काठमाडौं