नेपाली हास्यव्यङ्ग्य अनलाइन पत्रिका

कोही रुस्ट बनेर गर्जन गरी, फाल्दैछ चेतावनी
कोही दुस्ट बनेर बन्द खतरा, बाल्दैछ चेतावनी ।
टुक्रा पार्दछु देश भन्दछ यहाँ, छाती पिटी कुर्लदै
के बन्ला जनसम्विधान अब ता, मुड्की उठे उर्लदै ।

‘वन्डावाद’ विवाद– द्वन्द्व झगडा, झाङ्गिन्छ सध्धैं यहाँ
कैल्यै बुद्धि विवेक फुल्न नसकी, नेता डुबे स्वार्थमा ।
कल्ले राज गरेर देश जनता, समृद्ध होला हरे
नेताको मतिनै समान नहुँदा, धार्नी नपुग्ने भए ।
धादिङ