साइबर अपराध सम्बन्धी सचेतना सामग्री

गरौँ बन्द नेपाल खोल्दै नखोलौँ !!

Nepal Telecom ad

खुलेका यी उद्योग राखेर के भो ?
मीठा भाषणैमात्र चाखेर के भो ??
अहो ! बन्दमै हुन्छ आनन्द साथी !
छिटै देश उठ्ला अझै माथि माथी !!

जमाना नयाँ आज आईरहेछ ।
यसैले गरीमा बढाईरहेछ ।।
पुराना सबै ध्वस्त पारेर फालौँ !
नयाँ चीज निर्माण गर्नै नथालौँ ।।

हिँडेका सवारीहरू ठप्प पारौँ !
चलाए दिई धाक धम्की झपारौँ ।।
गरेनन् भने बन्द लाठी लगाऔँ !
कसैले कुनै प्रश्न सोधे धपाऔँ ।।

नटेरेर दोकान खोलेर बेच्ने,
कसैले गरेमा गरिे हुन्छ थिच्ने !!
ठटाएर ढोका सबै बन्द पारौँ !
यही रीतले देश चाँडै सपारौँ ।।

अरू देशकै तुल्य पार्ने छ इच्छा (
निकै नै बिकम्मा भएको छ शिक्षा !
सधै खोलिए यो अवस्थै नजाला !
तुरुन्तै गरौँ बन्द यी पाठशाला !!!

गरी खान दे भन्दछन् एक गास !
गई हेर कस्तो छ तिन्को निवास !!
सधै बन्द हुन्छन् यहाँ कारखाना ।
मरे हुन्छ ज्यामीहरूका जहान !!!

भताभुङ्ग पारौँ बनेका बिगारौँ !
र ढुङ्गा थुपारेर बाटो सिँगारौँ !!
सुधारेर जानू कता हो कता हो ?
समस्या खडा गर्नु नै सभ्यता हो ।।

निहुँमात्र खोजेर टन्टा बढाऔँ ।
गरे यत्न जुट्ने फुटाली लडाऔँ !
समाधान तोडौँ, सदाचार छोडौँ !
सधै बन्द नेपाल गर्नेै नछोडौँ !!!

सकेसम्म बन्ने अवस्थै नल्याऔँ ।
बनेमा नयाँ संविधानै जलाऔँ !!
सबै धर्म छोडौँ, सबै शान्ति छोडौँ !
सकेसम्म शस्त्रास्त्र छोड्दै नछोडौँ !!!

अवज्ञा गरेमा तथानाम बोलौँ !
जबर्जस्त पेट्रोल छर्केर पोलौँ !
नखोलौँ नखोलौँ नखोलौँ नखोलौँ !!!!
गरौँ बन्द नेपाल खोल्दै नखोलौँ !!
बम्घा, गुल्मी

Subscribe
Notify of
guest

0 Comments
Oldest
Newest Most Voted
Nepal Telecom ad
हामी नेपाली

हामी नेपाली

काशीनाथ मिश्रित
आधार ज्येष्ठको होस्

आधार ज्येष्ठको होस्

काशीनाथ मिश्रित
बालेन्ड

बालेन्ड

काशीनाथ मिश्रित
मातापिता !

मातापिता !

काशीनाथ मिश्रित
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
0
Would love your thoughts, please comment.x
()
x