नेपाली हास्यव्यङ्ग्य अनलाइन पत्रिका

गौशालाबाट आउँदैथे
चोकमा उभिएर
एउटी गाईले
कोरलीसँग यसरी गफ लाउँदैथी
मानौ त्यो कोरलीले
फेसनको तालिम पाउँदैथी ।
गाईले भन्दैथी
चिपिक्क परेको टिसर्ट
टिमिक्क परेको प्यान्ट लाइदे त
पुट्ट पुठ्ठा देखाइदे त
पशुपतिको साँढेको के कुरा
ठोकाको गुरुले पनि
तलाई आँखा लाउँछ
अनि हेर त्यो बुढो गोरुले पनि
तँलाई देखेपछि कस्तो गीत गाउँछ ।

नाठाले हेरेनन् भनी
किन चिन्ता गर्छेस्
राम्री छैन भनी
किन भ्रममा पर्छेस्
भि गला खोलेर
चट्ट छाती देखाइ दे त
बहरका के कुरा
दुध चुस्ने बाच्छाले पनि
तँलाई कसरी हेर्छ
अनि त थाह पाइ हाल्छेस् नि
कसले के के गर्छ ।

यो लङ्का जस्तो सुरुवाल फालिदे
यो पङ्खा जस्तो कुर्ता फालिदे
अब मिनीस्कर्टमा
फिटिक्क परेको समिज हालिदे
अनि हेर्न
कसले कसले हेर्छन्
त्यसपछि तँलाई हेरेर
पशुपतिको साँढे मात्र होइन
स्वयम महादेव पनि ठहरै पर्छन् ।

दाङ, हाल : काठमाडौं